慈雲山到小瀝源

是日天氣預報有驟雨，避免濕滑，選擇安全嘅石屎路行程。

於黃大仙坐37A小巴上慈雲山巴士北站起步，到法藏寺轉沙田坳道上走。

約半小時，到獅子亭小休。

續上走沙田坳道，亦是衛徑5段。

在三佰多米高處下望黃大仙一帶，亦見到啟德待發展之空地。

到义路離開衛徑，轉入觀坪路。至此已是全程最高處，約四佰米。

沿觀坪路慢慢下走，見路旁有長椅，在此小休一會。

續下走，見一巨石，上書「觀坪路大包石」。

在觀坪路走咗約1.5Km，前面見到多一些村屋，差不多到觀音山村啦。

到觀音花園嘅路口，離開觀坪路，左轉下走往沙田方向，經過十數座較為新嘅村屋，就係觀音花園。

不斷下走車路，接上一段石屎小路。

經過用大石屎堵著嘅車路，

跨過一溪澗，

到大老山隧道管制區，終點在望。

再前行不久，經過大老山隧道收費廣場，

到前面嘅恒生管理學院，睇睇有冇嘢食。原來公眾假期唔開。

唯有再前走至小瀝源村，有間美苑粉麵，食咗個豬手飯。

行程完畢，共走了兩小時。